geo_flag eng_flag rus_flag

ნორა კვიციანი: მიშა რუსეთის კაცია
- +

21 ნოემბერი. 2016. 14:22


„მიშა რუსეთის კაცია - ამაზე ორი აზრი არ არსებობს", - ამ სათაურით გაზეთი „ასავალ-დასავალი" დღევანდელ ნომერში, ყოფილ პოლიტპატიმარ ნორა კვიციანთან ინტერვიუს აქვეყნებს.



ნორა კვიციანი ინტერვიუში წარსულს იხსენებს და მიხეილ სააკაშვილის ღალატზე საუბრობს.



„კოდორის ხეობას არ ვთმობდით. გაუსაძლის პირობებში რამდენიმე წელიწადი ვინარჩუნებდით ტერიტორიას. ხან ტერაქტს გვიწყობდნენ, ხან გაერო-ს წარმომადგენელს გაიტაცებდნენ და შემდეგ ჩვენ გვაბრალებდნენ. ბოლოს ვერაფრით რომ ვერ შეგვაშინეს, ჯარი შემოგვისიეს და პირად შურისძიებაზე გადავიდნენ. თავდაცვის მაშინდელმა მინისტრმა ირაკლი ოქრუაშვილმა პირდაპირ გასცა ბრძანება, - ემზარ კვიციანისა და ბაჩო არღვლიანის ნასახლარიც არ უნდა იყოსო! მე ჩემმა სიმართლემ გადამარჩინა, ციხეში 6 წელი და 4 თვე გავატარე. დღეს ჩემს საქმეზე სამართალი რომ დადგა, ეს ყოფილი პრემიერ-მინისტრის ირაკლი ღარიბაშვილის დამსახურებაა! მისი ბრძანება და პროკურატურის მონდომება რომ არ ყოფილიყო, დღეს ეს საქმე ისევ ჰაერში იქნებოდა გამოკიდებული.


 

ნაციონალების პოლიტიკაა, თითქოს რუსების წინააღმდეგი არიან, სინამდვილეში ყველაფერი მათ გადასცეს! მიხეილ სააკაშვილი ხალხის დასანახად ებრძოდა რუსეთს, თორემ რეალურად მათი საქმე გააკეთა. მეცოდება ეს სატანა - არც წარსული აქვს, არც აწმყო და არც მომავალი! მისთვის გარეთ ამხელა ტვირთით სიარული ასჯერ უფრო დიდი სასჯელია", - აცხადებს ნორა კვიციანი.




 

 

წყარო : wyaro
არქივი